🍏VISI & MISI CALON KETUA KARO KATOLIK SE-JABODETABEK SEKITARNA MEI 2019-MEI 2022...
Nomor Urut 1: Jamsen Hermanus Ginting
Mejuah-juah
SUE Jadwal tahapen proses pemilihen Ketua Perpulungenta Karo Katolik Se-Jabodetabek Sekitarna periode Mei 2019-Mei 2022.
Gundari enggo masuk tahap penyampaian visi ras misi.
Kami selaku calon ketua, wajib meseh visi ras misi arah jamburta enda.
ADI Berbicara visi ibas perpulungenta. Berarti bicara kai siingin situju. Kai mimpi-mimpita. Kai harapen-harapenta. Kai cita-citata. Kuja sibaba 'perahu besar' Karo Katolik Se-Jabodetabek Sekitarna enda.
ADI Berbicara Misi. Kai saja strategi-strategita. Kai saja tahapen-tahapenna. Kai saja siharus silakoken untuk mencapai visi sinitujuta ndai. Kerina ijabarken secara konkrit ras jelas.
Adi terpilih kami menjadi ketua perpulungenta. Mbue hal derek ilakoken sesuai harapan anggota. La semata Misa i OBOR 9 kali dalam Setahun. La hanya memilih wilayah menjadi panitia Natal ras panitia Paska. Tapi lebih dari sie. Emekap memperteguhi perkade-kadenta kerina Karo Karo Katolik Se-Jabodetabek Sekitarna erpalasken kiniteken man Tuhanta Yesus Kristus.
Selain sie, kune lit kejadian ibas jabuta, apakah ermeriah ukur ras sebalikna, enggo derek kita kerina ersada lako ras-ras ibas dahin e.
Kerina pemikiren-pemikiren e, sirangkum pepagi ibas visi misi perpulungenta. Konsepna la derek sistem top down. Tapi harus bottom up.
Di mata kami, ketua perpulungen e emekap pelayan alias permakan. Majikenna anggota (umat sirulo).
Adi ianalogiken ibas adat istiadatta kalak Karo. Ketua perpulungen e emekap Anak Beru. Serayan ibas dahin alias pelayan. Siperlu silayani emekap kalimbubu. Adi ibas perpulungenta, kalimbubu e emekap umat (anggota) sirulo.
Kerna enggo iwajibken, penyampaian visi misi enda merupaken tahapen ibas pemilihen ketua perpulungenta. Maka tetap ipeseh kami pemikiren-pemikiren gelah perpulungenta enda reh berkembangna. Reh meteguhna perkade-kadenta.
Tapi sentabi, izinken kami meseh visi misi alu format berbeda. Mana tahu lebih mudah imengerti. Lebih mudah ipahami. Meski pe tulisenna gedang kel. Maaf ula kam merawa. Tolong ibacandu saat kam nyante e.
Kune lalit waktundu mbacasa kerna melala kel. Maka ibacandu saja judul-judul tiap item bagi si arah teruh enda. Kune enggo ibacandu. Tek kami, enggo datndu arah pemikiren kami. Enggo datndu, kuja pepagi arah perpulungenta enda ibaba kami.
ADI Terpilih kami jadi Ketua Perpulungenta untuk telu tahun ke depan. Maka silakoken kami emekap;
🍏CURHAT MAN DIBATA...
NGATAKEN Mbue bujur ras curhat man Dibata. IbereNa denga kesempaten untuk melayani perpulungenta. Padahal, sadar kami. Labo lit kinibeluhen kami. Labo lit kehebaten kami. Labo lit pemeteh kami. Tapi uga Tuhan. Maka tetap kami ipercayaNdu jadi pelayan??
Akap kami. Dung memimpin (melayani) ibas lingkungen. Dung melayani jadi Ketua Dewan Stasi Stanislaus Kostka (cikal bakal Gereja St Stanislaus Kostka i Kranggan). Dung kenca melayani jadi Pengurus Dewan Paroki St Servatius Kampung Sawah. Dung kenca jadi Ketua Wilayah Karo Katolik Pondok Gede (sada periode). Akap kami enggo dung pelayanen e Tuhan.
Tapi ipercayaNdu denga ka Tuhan melanjutken untuk dua periode melayani i Pondok Gede.
Bahken lenga dung masa pelayanen i Pondok Gede. Gundari ipilihndu ka jadi calon Ketua Karo Katolik Se-Jabodetabek. Kune ipercayaNdu melayani i tingkat lebih besar. Kune bage kehendakNdu Tuhan. Maka kehendakNdu lah terjadi. Ialoken kami dahin pelayanen e alu penuh tanggung jawab. Asa ngasup kami. Asa lit gegeh ibas kami. Asa lit pemeteh sibereNdu ibas kami. Kerina icurahken kami lako melayani perpulungen kami enda. Alu konsep: Kekelengen Sila Ersemulih. Aku Reh Melayani, Labo Man Layanen.
Tapi tolong Tuhan, tiap langkah ibas pelayanen enda pepagi. Ajar-ajarindu lah usur kami. TurunkenNdu lah usur Roh Kudus. Man Kam Tuhan kami berpengarapen. Amin..🙏
🍊MESEH BUJUR MAN KERINA...
NGATAKEN Mbue bujur man kam similih kami. Bage pe man kam kerina sila milih kami. Kune kami terpilih jadi ketua perpulungenta. Maka ikataken kami mbue bujur man banndu kerina. Seri pengidah kami ras similih kami.
Sie penting itegasken kami. Alu bage maka derek kita ras-ras. Bergandeng tangan. Bersinergi kita kerina. Demi mewujudken mimpi-mimpita ras harapen-harapenta.
Kune lit pengelompoken ibas awal kepengurusen. Khususna lit rasa kecewa kerna sicalonkenna la jadi ketua. Enda tentu mberat ndalanken perpulungenta ke depan.
Emaka bage enggo kenca dung pemilihen ketua. Yakni dung kenca Misa i OBOR. Maka kita melupaken kerina proses pemilihen e. Silupaken ise calonta. Gundari kita fokus man ketua terpilih. Kita kerina mendukung kai saja program kerja kepengurusen. Hanya alu bage. Maka perpulungenta derek reh berkembangna. Reh majuna ke depan.
🍑ERBAHAN AD/ART...
ERBAN Anggaren Dasar ras Anggaren Rumah Tangga (AD/ART) Perpulungenta. Ije wajib itulis VISI ras MISI Perpulungenta.
AD/ART enda penting. Gelah lit acuan. Lit dasar. Lit patoken pengurus lako ndalanken perpulungen enda. Anggota pe ietehna hak ras kewajibenna. Alu bage la lit salah persepsi ras salah asumsi. Kerina jelas.
Poin penting ibas AD/ART e emekap pembatasen masa periode ketua. Maksimal hanya 2 periode ngenca. Artina, hanya 6 tahun ngenca derek jadi ketua. Sienda sesuai jabaten ibas lingkungen, stasi, bage pe ibas paroki. La derek lebih 2 periode mengisi jabaten ketua.
Ibas AD/ART enda itulis job deskripsi tiap pengurus. Kai saja dahin pelayanenna. Termasuk itulis ije dahin Bendahara. Emekap erban laporen perduiten secara berkala demi transparansi.
Ibas menyusun AD/ART enda, sistemna bottom up. Berdasarken aspirasi anggota. Emaka HARUS alias WAJIB itampung masuken ibas kerina anggota (umat). Termasuk ibas OMK ras Keluarga Muda. Sijuluki generasi milenial.
Sebab, generasi milenial cendrung berpikir praktis, simpel, apa adana. Generasi era pergantian abat. Mbue sistem kegeluhen bertransformasi. Ingin serba cepat. Instan. Kritis. Punya ide kreatif ras visioner. Cenderung memaknai kegeluhen enda secara berbeda. Termasuk ingin hal-hal simbaru.
Ibas polesan tangan keluarga muda me nasib perpulungenta enda ke depan.
🍋KEPENGURUSEN 'GEMUK' KOLEKTIF KOLEGIAL...
SIPENTING Ibas menyusun perangkat kepengurusen. Mulai ibas penasihat nari. Dung ipilih penasihat. Iban me bagan struktur pengurus. Bagian ras Seksi kai saja siperlukenta. Tentu berpatoken kai enggo tertuang ibas AD/ART Perpulungenta. Khususna mengenai kai saja visi ras misi kita. Kai saja mimpi ras harapen besar kita.
Dung sie. Maka ipindo saran-saran man penasihat, ise saja si pas masuk jajaren pengurus e. Tentu isesuaiken kemampuan ras bidang pelayanen igelutina selama enda. Alu bage. Pas menempatken seseorang ibas bidangna. Salah memilih orang, derek mengganggu perputaren roda perpulungen ke depan.
Sijelas konsepna emekap: GOTONG ROYONG alias Kolektif Kolegial. Pengurusna mbue alias gemuk. Semua wilayah teraspirasi. Termasuk pengurus sebelumna. Bage pe ibas wilayah sila memilih kami. Kerina harus lit ibas kepengurusen e.
Alu sistem Kolektif Kolegial. Maka ibas menjalanken roda perpulungenta, la tergantung ketua saja. Tapi tergantung man kerina pengurus sinipercayaken dahin pelayanen man bana.
Adi melayani ibas perpulungenta. Lit 3 hal sila derek iabaiken. Emekap: DAHIN, KELUARGA, ras DAHIN SOSIAL LAINNA. Kerina harus ilakoken secara berimbang. Kerina ilakoken secara pararel.
Sie derek silakoken alu sistem Gotong Royong alias kolektif kolegial bagi situriken i datas ndai. Sebab, mbue denga ibas kita e mbelang juma man dahin. Mungkin sangana muro. Sangana merdang. Mungkin sangana rani. Dahin lako menghidupi keluarga, la derek iabaiken demi alasen pelayanen i perpulungenta. Emaka iban konsep pelayanen Gotong Royong. Saling mengisi. Bergantian. Ise siderek.
🍓ERBAN STEMPEL & LAMBANG...
MULAI Mengerjaken hal-hal kecil tapi penting. Emekap erban stempel perpulungenta. Erban lambang perpulungenta. Emekap SALIB KRISTUS Ras RUMAH ADAT KARO. Bage pe erban kop surat.
🍒ERBAN PROGRAM KERJA...
SETELAH Menampung aspirasi anggota Karo Katolik sirulo i Jabodetabek Sekitarna enda. Enggo derek ipilah-pilah. Inventarisir. Kai saja usulen siderek silakoken untuk jangka pendek, jangka menengah, ras jangka panjang.
🍋LANJUTKEN MISA i OBOR...
MEMASTIKEN Misa i OBOR tetap berlanjut ras berkesinambungen. Emekap tiap minggu keempat Februari, Maret, Mei, Juni, Juli, Agustus, September, Oktober, ras November.
Kai sienggo mehuli ilakoken Pengurus Karo Katolik Jabodetabek sigundari ilanjutken.
Mungkin jadi cataten. Ibas Misa i OBOR e maun-maun terlambat ibenaken. Sie labo salah pengurus. Tapi kepastian jam imulai Misa e sangat penting. Kita harus konsisten ras komitmen. Sie mempengaruhi kerehen anggota.
🥑ERBAN TABLOID KARO KATOLIK...
SAAT Kami terpilih jadi Ketua Dewan Stasi Stanislaus Kostka, Mei 2009. Mìs iban kami semacam tabloid etah buletin sederhana. Stensilen. Coverna ngenca warna. Tabloid e sangat efektif menggalang kebersamaan antar umat.
Mungkin sienda derek silakoken. Isi Tabloid Karo Katolik e antara lain; berita-berita wilayah nari. Misalna, lit ziarek. Lit acara Ibadat, Misa, ras sindebanna.
Menurut akap kami sienda efektif menggalang keersadanta. Sienda efektif untuk menggalang merasa memiliki terhadap perpulungenta.
Tabloid entah pe buletin sederhana lit nge ibas Gerejata i tengah perkembangen dunia digital. Adi misalna, tabloid cetak e sianggap pemborosen. Derek kang hanya siban tabloid elektronik. Bentuk PDF. Ence sikirim ku Group WA Karo Katolik Se-Jabodetabek. Tujuanta menciptaken kebersamaan.
🍎TRANSPARANSI KEUANGAN...
KUNE Terpilih kami jadi ketua perpulungenta. Hal mendasar. Hal penting. Emekap ngelakoken transparansi keuangen.
Kami pastiken, sie ilakoken kami. Tiap Misa i OBOR ipeseh Bendahara pepagi posisi perduitenta secara lisan. Ija nari saja sen masuk. Sekai jumlahna. Bage pe sekai sen keluar. Kuja saja igunaken sen e. Ence sekai saldo.
Ence tiap sekali setahun. Ipeseh Laporen Perduiten secara tertulis man banta kerina. Misalna saat perayaan Natalta. Ije imomoken. Gelah sieteh sekai pemasukenta selama setahun. Ence kai saja pengeluarenta selama setahun. Ije jelas kerina. Laporen keuangen secara tertulis e ipeseh ku Group WA Karo Katolik Se-Jabodetabek. Group pengurus. Bage pe japri Ketua-ketua wilayah.
Masalah keuangen e, isu sensitif, isu penting. Adi ingin perpulungen maju. Masalah perduiten e, harus la lit cacatna. Pokokna setiap sada rupiah wajib ipertanggungjawabke.
Alu cara sie, menumbuhken kepercayaan anggota ku pengurus. Menumbuhken trust. Adi sie enggo terbangun. Tek anggota man pengurus. Terbangun kebersamaan. Kai pe derek silakoken.
Sentabi iban kami contoh i Pondok Gede. Saat usia perpulungen kami 22 tahun. Lenga pernah kami ziarek bersama. Lenga pernah irayaken Ultah Perpulungen.
Tapi 3 tahun terakhir enda. Ilakoken kami ziarek tiap Mei ras perayaan Ultah tiap November.
Saat Perayaan Ultah Ke-23, kami pedarat sen la melalasa. Saat Perayaan Ultah Ke-24 undang kami Karo Katolik Se-Jabodetabek pedarat sen enggo lumayan. Saat Perayaan Ultah Ke-25 (Pesta Perak). Selain mengundang Karo Katolik Se-Jabodetabek. Kami pe erban pertandingen Tenis Meja Antar Wilayah Karo Katolik Se-Jabodetabek. Kami pe mengunjungi Pantai Sosial ras menyerahken bantuan. Tambah lumayan pengeluarenna.
Bage pe mengenai ziarek. Awalna kami ziarek ku Lembang. Hanya sehari semalam. Biaya la melalasa.
Ziarek kedua Ambarawa ras Yogyakarta. Nginap semalam. Enda enggo lumayan.
Mei 2019 enda kami ersura-sura ziarek ku Bali 6 hari. Totalna perlu sen sekitar Rp 145 juta. Enda bagi kami enggo sangat melala.
Bage ka pe mengenai adangen Natal ras Paska Karo Katolik Se-Jabodetabek. Untuk Rp 1,5 juta saja pe mberat akap pepulungsa. Tapi terakhir enda enggo Rp 4 juta. Derek kerina terpenuhi.
Kai kuncina..? Labo perban mbue sen kami. Tapi perban terbangun 2 hal. Pertama, perban iban transparansi keuangen. Tek anggota man pengurus. Kedua, terbangun kebersamaan ras rasa memiliki. Erat perkade-kaden. Akrab. Guyub. Alu bage agak gampang pepulung sen.
🍇PENGURUS PUSAT
NDARAMI BIAYA NATAL & PASKA...
TIAP Perayaan Natal ras Paska Karo Katolik Se-Jabodetabek. Awalna panitia agak kerepoten.
Menyedot pikiren ras tenaga untuk ndarami biaya. Sebab, adangen wilayah iserahken saat mata dahin.
Meski akhirna lit dana sisa. Tapi tetap membuat energi panitia tercurah ku biaya.
Ngidah sie. Lit pikiren. Kune kami ipilih menjadi ketua perpulungenta. Ersura-sura kami gelah Pengurus Karo Katolik Se-Jabodetabek (Pengurus Pusat) sindarami dana. Emaka iban pepagi Seksi Dana ibas kepengurusen.
Alu bage iarapken lancar adangen wilayah.
Bage pe iarapken lebih lihai ibas melobi-lobi calon simasang iklan ras donatur.
Sepanjang tek kalak man pengurus. Sipertanggungjawabken sada rupiah. Iban laporen perduiten secara transparan. Yakin kel kita melala sinampati.
Saat kami menjadi panitia Natal 2017, iban laporen terang benderang. Sekai sen masuk. Ija nari saja. Irinci kerina. Ence ipeseh ka kuja saja sen keluar. Ilampirken kuitansina.
Ngidah-ngidah sie. Saat kami melanjutken jadi Panitia Paska. Mesunah darami sen. Lanai latihsa.
Sebab, lanai ipindo pe mis transfer donatur.
Misalna, telu penasihatta: Abang kami Mburak Ginting, Abang kami Ramlan Ginting, ras Abang kami Jimmy Nambah Ginting, bage iserahken proposal. Satu minggu kemudian langsung transfer ku rekening Bendahara.
Alu cara enda.
Kune lit sisa sen pe. Otomatis masuk ku kas perpulungen Karo Katolik Se-Jabodetabek.
Panitia pe pasti meriah akapna. Sebab, hanya konsentrasi nyiapken Natal ras Paska saja. Tentu hasilna pe derek lebih maksimal meski pe irayaken alu sederhana.
Panitia hanya fokus untuk acara. Proposal iajuken panitia derek ikoreksi. Iban saja biaya sederhana. Sue semangat ketubuhen anak ajaib i kandang domba. Sitergelar Yesus Kristus, Tuhanta.
🍋 PANITIA NATAL & PASKA SADA PAKET
PANITIA Natal ras Paska seri (sada paket). Ence enggo itentuken untuk 2 entah pe 3 tahun ke depan. Ise panitiana. Alu bage, panitia e enggo derek siap-siap. Merancang acara ras sebagaina.
Alu sistem paket enda. Derek sikaji, apakah memungkin iban proposal untuk Natal ras Paska gabung. Kune derek. Maka lit pengiriten biaya.
Adi Laporen Pertanggungjawaben (LPJ) ilakoken secara terpisah. Gelah segar denga pengingetta.
🍍NGELAKOKEN ZIAREK...
PERLU iban Ziarek bersama Karo Katolik Se-Jabodetabek Sekitarna. Katakenlah untuk 5 bus sampai 10 bus. Ini demi membangun kebersamaan. Saling sitandan antar anggota wilayah. Alu bage tercipta kekompaken antar anggota. Guyub.
Adi enggo kompak. Adi enggo guyub. Otomatis terjalin perkade-kaden simeteguh. Alu bage, derek kita ras-ras ibas situasi suka ras sebalikna ibas tanah perantauan enda.
Erdandanken sie, adi kami terpilih menjadi ketua perpulungenta. Maka tiap OKTOBER 2019 iban Ziarek Bersama.
Konsep pendanaan. Lit subsidi silang. Iban biaya terendah. Entah pe iban secara sukarela.
Ibas Pondok Gede. Enggo ipraktekken kami. Penggalangen dana ziarek pe erdalan alu mehuli.
Bage pe penggalangen dana ziarek alu batas minimal. Misalna, ziarek kami ku Bali selama 6 wari, biaya terendah Rp 600.000 per kalak.
🍉ITETAPKEN ULTAH PERPULUNGENTA
MEMANG Labo nari kuakap siinget. Katawari mbarenda awalna terbentuk perpulungenta enda. Tapi akap kami labo salah adi sitentuken saja.
Misalna, Ultah Perpulungenta tiap OKTOBER. Adi adi enggo sitentuken. Maka sirayaken tiap bulan sie. Antara lain agendana ngelakoken ziarek bagi sienggo isebut i datas ndai.
Mengenai penetapen Ultah Perpulungen enda. Enggo ilakoken kami i Pondok Gede. Tiap November irayaken kami. Adi ziarek itetapken kami tiap Mei.
Alu litna penetapen e sangat efektif erban kami tambah kompak. Sebab, setiap perayaan e, lit saja iban kami kegiaten.
🍉ERBAN FESTIVAL & PERTANDINGEN...
TIAP Perayaan Natalta sitetapken lit usur Festival Koor ras Festival Pemazmur.
Tiap Perayaan Paska lit festival tarian ras permainen simenghibur.
Adi tiap Ultah Perpulungenta iban pertandingen futsal, tenis meja, voli, catur, ras sindebanna.
Derek kang iban festival tari ras seni budaya Karo lainna.
Tujuanna, iban berbagai kegiaten enda lako kita akrab, guyub. Alu bage memperteguhi perkade-kadenta.
🍐PERKUAT PELAYANEN SOSIAL...
IBAS organisasi sosial kesukuan erlandasken kiniteken. Lit 3 hal sipaling utama jadi prioritas pelayanen. Emekap;
1. Seksi Liturgi harus kuat.
2. Seksi Sosial harus kuat
3. Seksi Adat harus kuat
Erdandenken sie. Kune kami ipilih menjadi ketua perpulungenta. Maka ketelu seksi e jadi perhatian serius. Sangat serius.
Emaka ibas program jangka pendek. Iban 2 hal saja lebe dahin sosial sijadi perhatian pengurus Karo Katolik Se-Jabodetabek. Emekap anggota idilo Dibata ras anggota (anak) erjabu.
Perhatian mengenai anggota idilo Dibata. Lit 2 macam bentukna. Apa bentuk pertangis (sen). Entah pe karangen bunga alu nominal Rp 400.000.
Perhatian man anggota (anak) erjabu. Adi lit adatna ras resepsi. Ence undangna perpulungen. Maka bentuk perhatianta. Emekap kain panjang. Entah pe karangen bunga.
Adi erjabu i kuta. Entah pe luar Jabodetabek Sekitarna. Mungkin lebih pas karangan bunga alu nominal Rp 300.000. Ije lit tulisen ibas Perpulungen Karo Katolik Se-Jabodetabek Sekitarna. Sebab, labo lit perwakilenta kujah.
Penungkunenna; ija nari senna?? Pertama, iban iuren anggota. Misalna Rp 1.000 entah pe Rp 2.000 per kalak per bulan.
Selain iuren e, iarapken lit donatur.
🍏PERKUAT SEKSI LITURGI...
ERKITEKEN Lit Misa i OBOR 9 kali dalam setahun. Lit ka Perayaan Natal ras Paskah. Maka perlu Seksi Liturgi sikuat.
Adi kami terpilih jadi ketua perpulungenta. Maka urusen Liturgi Natal ras Liturgi Paska menjadi tanggung jawab pengurus Jabodetabek. Alu sistem e, dahin panitia terkurangi. Dana Natal ras Paska pe sindaramisa pengurus Jabodetabek.
Panitia hanya fokus urusen acara, dekor, konsumsi, ras lainna. Jadi sederhana. Lanai mberat. Kerina wilayah enggo pasti sanggup jadi panitia.
Seksi Liturgi pe perlu mengatur segala sesuatuna saat Misa i OBOR. Kemudian memastiken MISA TEPAT WAKTU. La derek molor 1 menit pe.
Sie penting. Gelah lit kepastian. Lit konsistensi. Lit komitmen.
Ketepaten waktu e. Enggo ibuktiken kami saat kami menjadi Pantia Natal ras Paska tahun sinderbih. Kedua perayaan e. Tepat Jam 08.00 ibenaken. La terlambat 1 menit pe.
🥥PERKUAT SEKSI ADAT...
PERPULUNGENTA Tergelar KARO Katolik. Sengaja iban kami huruf besar kata KARO. Adi terpilih kami jadi ketua perpulungenta. Maka iperkuat SEKSI ADAT.
I taneh perantauan enda. Perlu kel sie. Gelah lit anak erjabu. Lit tenah la erpudun (kemalangen) enggo derek sidungi. Enggo lit ngerunggukenca sue peradatenta kalak Karo.
Melala talenta ibas perpulungenta. Termasuk ibas peradaten Karo. Melala beluh singetana ibas Runggu. Hanya saja lenga terkoordinir. Kune sie derek siwujudken. Enda sangat membantu kita kerina keluarga Karo Katolik Se-Jabodetabek Sekitarna. Anakta erjabu entah pe lit kemalangen. Enggo lit ije sangkep geluhta selaku kalak Karo.
🥒ERBAN TIM PENDOA
MEGATI Siidah ibas Maba Belo Selambar (MBS) ras Kerja Erdemu Bayu. Kedua belah pihak. Siempo ras Sinereh. Agamana Katolik. Tapi ibas toto sebelum runggu ras toto man ibabaken secara GBKP.
Sedih kita erninsa. Tempa-tempa kalak kita Katolik la beluh erban pertoton. Emaka tim pendoa enda pepagi simabakenca.
🍓KUNJUNGEN KU WILAYAH-WILAYAH
SAAT Kami jadi Ketua Stasi Stanislaus Kostka iban kunjungen ku lingkungen-lingkungen. Enda sangat efektif erban anggota aktif ibas kegiaten stasi. Kune kami terpilih jadi ketua perpulungenta. Maka iban pepagi program pengurus berkunjung ku wilayah-wilayah.
Alu bage. Iarapken makin mbue menggelit ibas perpulungenta.
🍏MENGHIDUPKEN WILAYAH SILA AKTIF...
WILAYAH-Wilayah anggotanya kurang aktif. Adi kami terpilih jadi ketua perpulungenta. Maka sie jadi priorotas ibenahi. Alu membentuk pengurus simbaru.
Walau anggotana la mbue. Tetap perlu ihidupken. Ence idarami anggota sindebanen. Adi terpaksa ilakoken 'merger' dari 2 wilayah menjadi 1 wilayah. Ilakoken penggabungen.
🍈IBAN RAPAT PENGURUS RAS WILAYAH-WILAYAH...
GELAH Semakin sieteh aspirasi ibas wilayah nari. Bage pe mengakrabken pengurus Jabodeyabek ras pengurus-pengurus wilayah. Perlu iban pertemuan rutin alias rapat rutin. Misalna 4 bulan sekali atau 6 bulan sekali.
🥔MEMPERBANYAK KEGIATEN OMK
KEGIATEN OMK perlu iperbanyak. Gelah anak-anakta enda usur bertemu. Khususna OMK situbuh i jenda. Terkesan kurang berbaur.
Alu nggitna berbaur. Mbue kegiaten OMK. Maka iarapken lit ije jumpa atena ngena. Jumpa jodoh.
Kita orangtua sering memimpiken anakta jumpa kalak Karo kinitekenna Katolik. Tapi kita lupa, bahwa la sidukung ibas berbaur ku OMK Karo.
🍋 PERPULUNGEN BERBASIS DATA...
ADI Terpilih pepagi kami jadi ketua perpulungenta. Maka perpulungenta enda iban berbasis data. Maka ikumpulken kami pepagi data-data kerina anggota perpulungenta. Termasuk pendahin ras keahlianna. Sienda pepagi melala gunana. Bukan hanya sieteh piga KK kita i Jabodetabek Sekitarna enda. Tapi derek sie berbagi pengalamen. Mungkin bagi anak sindarami dahin pe derek terbantu adi sieteh kerina profesita.
Selain sie. Iban ka secara lengkap merga kai sangkep geluhta. Kami ibas Pondok Gede enggo iban kami. DATA KELUARGA.
Misalna;
Gelar ras Merga: Jamsen Hermanus Ginting.
Bebere: Sembiring Gurukinayan.
Binuang; Tarigan Gersang.
Kempu: Ginting Manik
Kempu Bapa; Bangun (Rumah Parit/Rumah Gugung Batukarang).
Bere-bere Bulang: Karo-karo Purba (Rumah Nderpih).
Kempu Bulang: Bangun Rumah Parit/Rumah Berneh Batukarang).
Data Keluarga bagi si datas e penting. Alu bage enggo sieteh sangkep geluhta selaku kalak Karo. Kune lit dahin peradaten Karo. Enggo mesunah ngelakokensa.
🍅NYIAPKEN GUDANG BARANG INVENTARIS...
KITA Tiap tahun kita merayaken Natal ras Paska. Mbue derek barang/peralaten derek sipake ibas tahun berikutna. Adi isimpan barang inventaris e. Misalna Pohon Natal. Tentu derek menghemat biaya ibas perayaan tahun berikutna.
🍎MEMBANGUN G BESAR...
SEMBOYAN St Stanislaus Kostka: Ad Maiora Natusum (Aku Dilahirkan Untuk Perkara-perkara Besar) atau derek itafsirken untuk hal-hal besar.
Emaka ibas perpulungenta enda pe. Derek simimpiken hal-hal besar. Emekap uga maka lit inganta Misa tiap bulan. Enggo min menetap. Lanai numpang.
Enda derek silakoken adi siinget ras siinspirasi semangat St Stanislaus Kostka e. Alu menyatuken energi ibas kita. Ibas perpulungenta e lit 3 pilar utama. Emekap:
1. Penasihat Perlulungenta. Termasuk ije Penasihat ibas Wilayah.
2. Pengurus Jabodetabek ras Pengurus Wilayah-wilayah
3. Kerina anggota perpulungenta.
Ketelu pilar e. Harus bersinergi. Bagaiken segi tiga. Saling mengiket. Adi ketelu pilar bergabung. Mimpita gelah lit inganta Misa tiap 9 kali dalam setahun. Enda derek terwujud. Tapi tentuna sipindolah usur gegeh man Tuhanta Yesus Kristus.
Bagem si lit ibas pemikiren kami mengenai perpulungenta. Adi lit akapndu kurang. Derek itambahi. Adi mbuesa akapndu derek ikurangi. Sentabi mbue kata sinipeseh kami. Sitotoken gelah perpulungenta reh berkembangna. Tambah reh gegehna perkade-kadenta. Semakin sikeleng-kelengen kita kerina Amin...🙏
[7:26 PM, 2/13/2019] Immanuel Trgn: VISI
Karo Katolik Jabodetebek sekitarnya menjadi wadah pemersatu semua Umat Karo yg beragama Katolik untuk saling mengasihi dan melestarikan budaya Karo berlandaskan Iman Katolik.
MISI
1. Membuat anggaren dasar dan anggaran Rumah Tangga untuk menjadi panduan semua anggota.
2. Membentuk zonanisasi wilayah untuk meningkatkan pelayanan kepada umat di wilayah.
3. Mendata umat Karo Katolik Jabodetabek sekitarnya, untuk mengetahui semua sumber daya yg kita miliki.
4. Membuat program kerja jangka panjang, sesuai dengan sumber daya yg dimiliki.
VISI & MISI CALON NO 2, MARKUS GINTING SUKA. Bujur.
Post a Comment